السلام عليكم
كيفكم يا دكاترتنا الكرام
النهاردة جايبالكم معلومة او بمعنى اصح تصحيح لمعلومة انتشرت على الفيسبوك
المعلومة اللي انتشرت على الفيسبوك كانت بتقول :-
اوعى لو جالك روشته مكتوب فيها السيفاترياكسون حقن مع الرنجر او اي محلول بيحتوي على الكالسيوم .. اوعى تصرفها يا دكتور
علشان الكالسيوم مع الرنجر هيكونو راسب هيرسب على الكلية والرئه
علشان الكالسيوم مع الرنجر هيكونو راسب هيرسب على الكلية والرئه
ويسببوا وفاة خصوصا في ال neonates
طيب المعلومة على فكرة غلط !!
طيب ليه ؟؟؟!!!!
لان المعلومة مش كامله يا دكتور ..
طيب اية الصح يا دكتور ؟؟
بص يا فندم .. اي فيال بيحتوي على المادة الفعاله سيفاترياكسون ...فعلا بيرسب مع اي محلول بيحتوي على كالسيوم زي الرنجر كدة .. بس دة في حالات معينه
طيب تعالوا نفهم
-اولا المحاليل المحتوية على الكالسيوم زي الرنجر ممنوع تتاخد مع السيفاترياكسون بأي طريقة في ال neonates
الاقل من 28 يوم .. ولو احتاجنا لاعطائهم للمواليد الاقل من 28 يوم يبقى ادي السيفاترياكسون وبعد 48 ساعة ابقى ادي المحلول الوريدي المحتوي على الكالسيوم
وبالنسبة للمواليد اللي اقل من 10 ايام .. ادي السيفاترياكسون وبعد( 5 ايام) ابقي ادي المحلول الوريدي المحتوي على الكالسيوم
-ثانيا والاهم بقى بالنسبة لمن هم اكبر من 28 يوم او ال Adult
عادي على فكرة لو اتكتبلهم السيفاترياكسون مع الرنجر او المحلول المحتوي على كالسيوم .. وعادي يتاخدوا مع بعض بس بشرووووط ؟؟
اني هدي السيفاترياكسون الاول .. وبعد كدة يتم غسل الكانيولا بمحلول مناسب لا يرسب معاها زي السالين مثلا .. ثم يتم اعطاء المحلول المحتوي على الكالسيوم وريديا ..
اة يعني مطلعش الموضوع ممنوع تماما زي ما منتشر على الفيسبوك
وكل الحكاية انه محتاج
precaution معينه فقط
علشان لو جاتلك روشته وهما مكتوبين معا .. متعترضش وتقول ممنوع تماما .. لكن كل اللي عليك تتصل بالطبيب وتعرفه بال precaution اللي قولنا عليه
-ثالثا حذرت ال FDA من استخدامهم بواسطه ال Y-site ( اللي ركب محاليل قبل كدة هيفهم الY-site )
-خد بالك ان السيفاترياكسون نفسها ممنوعة عن
premature newborns up to a corrected age of 41 weeks
(weeks of gestation+weeks of life)
&
full-term newborns up to age 28 days who have jaundice
-على فكرة السيفاترياكسون ممكن تتكتب كل 12 ساعة زي في حاله ال Meningitis
يا رب اكون قدرت افيد بمعلومة جديدة لا تنسوني من صالح دعائكم
وشير بقى وصحح المعلومة
#منة_حمدي
