بسم الله الرحمن الرحيم
خطوات السفر
أولا - خطوة
التوصل لعقد كويس و التوفيق من الله عزوجل فى القبول لدى مجموعة صيدليات او
مستوصفات او مستشفيات محترمة
ثانيا - الأوراق المطلوبة لإستخراج التأشيرة
ثانيا - الأوراق المطلوبة لإستخراج التأشيرة
1- جواز سفر باقى على الأقل من صلاحيته عامين وبالنسبة للناس اللى لسة هتعمله بيكون تكاليفه فى حدود 130 جنيه و بيحتاج صورة واحدة ومايفيد بخصوص الحالة الوظيفية .
2- شهادة التخرج الأصلية ( الشهادة الكرتون ) بتكون مطبوعة على ورق مقوى ومستوفيه توقيعات عميد الكلية وأمين عام الجامعة , وكذلك موثقة من الخارجية .
3- فيش جنائى الغرض منه السفر للسعودية .
4- حوالى 4 صور شخصية .
5- شهادات الكشف الصحى .
6- عقد عمل موثق .
المكتب بياخد الأوراق دى وبيدخل البيانات على موقع وزارة الصحة لعمل (برينت) يعنى ورقة بها باركود و مكتوب فيها اسم الصيدلى - اسم الكفيل - مجموعة الصيدليات و موقعها فى المملكة مثلا وهذه الورقة قيمتها 250 جنيه تقريبا بياخدها الصيدلى ويروح مباشرة فى معامل وزارة الصحة القريبة من شارع مجلس الشعب - القاهرة وياحبذا فى وقت مبكر من يوم الخميس لأن باقى الايام بيكون فيها زحام شديد وكأن مصر كلها مسافرة ....
لما نوصل معامل وزارة الصحة بيتم تسليم الجواز مع البرينت ومعاهم 120 جنيه قيمة تحليل الفيروسات الكبدية ولما يتم سحب العينة بيستلمهم وهو خارج ...
ويمكن للمتقدم للسفر انه يعرف نتيجته من خلال موقع المعامل على النت ودا
بيكون مكتوب فى ورقة بياخدها وهو خارج مكتوب فيها يوم استلام النتيجة (غالبا مش
بتظهر بعد 48 ساعة على حد كلامهم ..ممكن 5 ايام كدا).
بعد الخطوة الأولى وبعد الخروج من معامل وزارة الصحة بيكون فى تاكسي بينادى على (جامكا) جامكا دى هى معامل جامكا و دى وظيفتها توزيع الراغبين فى السفر لعدة مستشفيات خاصة لتوقيع فحص شامل على المتقدم للسفر ...
بعد الخطوة الأولى وبعد الخروج من معامل وزارة الصحة بيكون فى تاكسي بينادى على (جامكا) جامكا دى هى معامل جامكا و دى وظيفتها توزيع الراغبين فى السفر لعدة مستشفيات خاصة لتوقيع فحص شامل على المتقدم للسفر ...
رسوم الخدمة فيها 20 جنيه بيتم تقديم كل الأوراق ذى برنت النت و الجواز وهما هناك بياخدوا صورة منه ...
بعدها بيتم عمل ملصق فى اخر صفحات الجواز مكتوب فيه إسم المستشفى على ما أتذكر من أسماء المستشفيات السلام الدولى - النيل بدراوى - الصفا
و هناك 4 مستشفيات اخرى مهمتها عمل كشف طبى كامل
بيتم تقديم الأوراق ذاتها مع 410 جنيه ثمن الفحوصات .
بيتضمن كشف رمد - باطنة - جراحة عامة بإختصار بيتم التأكد من عدم وجود مشاكل فى العين و النظر و عدم وجود إعاقة او دوالى او إصابات واضحة فى الجسم .
أيضا هناك عينات للبول و الدم بيتم اخذها ( طبعا للكشف عن اثار المخدرات و بعض الامراض) واشعة على الصدر للتأكد من سلامة الرئتين .
بياخدوا رقم الموبايل ولو فى أى حاجة غلط بيتبعت رسالة للشخص بإبلاغه برسالة نصية خلال يومين ان فى مشكلة ويروح المستشفى من جديد يفهم ايه المشكلة .
اذا لم يتلقى رسالة معناها ان مفيش عنده أى مشاكل
.
بعد الخطوة السابقة بيسلم صاحب المكتب الأوراق للقنصلية مع عقد العمل الموثق (هذا البند ايضا جديد لأنه لم يكن يشترط ذلك من قبل)
بعد الخطوة السابقة بيسلم صاحب المكتب الأوراق للقنصلية مع عقد العمل الموثق (هذا البند ايضا جديد لأنه لم يكن يشترط ذلك من قبل)
و فى خلال اسبوعين بتكون التأشيرة تم الانتهاء منها و بتكون مدتها صالحة ل 90 يوم من صدورها
يجب على الصيدلى خلالها تخليص ورقه بالكامل و السفر قبل انتهائها .
ثالثا : الأوراق المطلوبة للسفر بوجه عام
1- تصريح السفر : بالنسبة لأصحاب الإعفاء المؤقت من الجيش بيحتاج تصريح من ادارة التجنيد للسفر و بيتم تجديده فى كل مرة سفر سواء قبل السفر او اثناء الاجازات , اما بالنسبة لأصحاب الإعفاء النهائى لا حاجة له لأن الجواز بيكون مكتوب فيه انه غير مطلوب للتجنيد .
2- تصريح العمل : بيتم استخراجه للجميع على حد سواء من مكتب تصاريح العمل التابع للداخلية وطبعا المفروض ان
الغرض منه التأكد من عدم وجود ملاحظات أمنية او
وجود اسم المسافر على قوائم الممنوعين من السفر و
بيتم التقديم عليه فى يوم و استلامه فى تانى يوم او بعدها بيومين بيكون عبارة
عن دفتر صغير به 4 ورقات فقط وموجود فيه صورة و مكتوب فيه رقم مسلسل و
بيدفع فى مقابله على ما اذكر فى حدود 100-150 جنيه
وبالنسبة للصيادلة
الحكوميين لابد لهم من ورقة مختومة من الشغل و صورة قرار الاجازة (هنتكلم عن
النقطة دى لاحقا).. و بيتم تجديد تصريح العمل فى كل مرة يكون فيها خروج وعودة و فى حالة الخروج النهائى بيتم تسليمه فى مكتب التصاريح واستلام اخلاء طرف من المكتب ( فائدته بتكون فى قرار
استلام العمل بالنسبة للصيادلة الحكوميين ايضا )
.
الأوراق الهامة لمرحلة ما بعد السفر
لابد من إصطحاب العديد من الأوراق المهمة لإستخدامها بعد السفر وذلك لإستخراج كارت التصنيف و ترخيص الشئون الصحية
وهى مثل :
لابد من إصطحاب العديد من الأوراق المهمة لإستخدامها بعد السفر وذلك لإستخراج كارت التصنيف و ترخيص الشئون الصحية
وهى مثل :
1- شهادة التخرج موثقة من الخارجية و السفارة السعودية او الملحق الثقافى
2- بيان الدرجات الموثق كذلك من الخارجية و السفارة
3- شهادة امتحان الهيئة او البرومترك ( البيرسون فيو )
4- صور شخصية فى حدود 12 صورة مثلا
5- شهادة خبرة بما يزيد عن عامين من التخرج وهى اما انها تكون مستخرجة من ادارة الملفات بالنسبة للصيادلة الحكوميين و بتتوثق فى الخارجية و السفارة او بالنسبة للصيادلة الغير حكوميين بيتم استخرجها من اى صيدلية وبتكون مختومة بختم الصيدلية و موقعة من مدير الصيدلية و بتتوثق فى الشهر العقارى و تستكمل باقى التوثيقات .
بالنسبة للصيادلة الذين لا يعملون بالحكومة ليسوا فى حاجة
لأى شئ اخر ...
إنما
الصيادلة الحكوميين فهم فى حاجة لعمل أجازة من المستشفى او الوحدة التابعين لها ويتم تقديم
الأجازة مرفق بها صورة او أصل عقد العمل كما تنص اللوائح فى كل مكان ويتم بناء
على قرار الأجازة تسديد صندوق التكافل و عمل إخلاء طرف
وبقرار الأجازة يمكن إستخراج تصريح العمل كآخر خطوة قبل السفر ..
منقول من منتدى صيدلى المستقبل للإفادة
وبقرار الأجازة يمكن إستخراج تصريح العمل كآخر خطوة قبل السفر ..
منقول من منتدى صيدلى المستقبل للإفادة
