Header Ads Widget

الفرق بين أنواع الإنسولين وكيفية التحويل من Mixtard 100 الى Mixtard 40 والعكس



عندنا في الصيدلية 3 أنواع رئيسية من الإنسولين

Actrapid 100 iu =Hunulin R
Insultard 100 iu= Humulin N
Mixtard 100 iu =Humulin 70/30

الفرق بين أنواع الإنسولين وكيفية التحويل من Mixtard 100 الى Mixtard 40 والعكس

يا ترى ايه الفروقات بينهم؟

أولا: نعرف ان كل نوع من اللي على الشمال من انتاج 

شركة Novo nordisk   

مماثل تماما للي على اليمين من انتاج شركة
lilly


ثانيا: نعرف ان كل هذه الأنواع

يحتوي ال 1ml منها على 100 وحدة إنسولين ايا كان نوعه

ندخل في المعلومة:

A- actrapid

وشهرته : إنسولين مائي =إنسولين رايق

وهو عبارة عن:

1- إنسولين مماثل تماما للي بيفرزه جسم الانسان
2- مفعوله وقتي.. أي أن الإنسولين يعمل مباشرة بمجرد حقنه ليغطي تاثير الطعام الذي يتناوله المريض فورا

(لو افترضنا ان مريض السكر من النوع الأول هيستخدم إنسولين مائي فقط.. يبقى كل ما ياكل حاجة ياخد قبلها جرعة إنسولين مكافئة لهذه الوجبة)

طبعا ده شيء هيبقى مرهق ومؤلم وغير عملي بالمرة..!!

B-Insulatard

وشهرته : الإنسولين العكر

عبارة عن معلق من الإنسولين ليكون ذو مفعول ممتد  يعني تأثيره لا يظهر الا بعد مرور مدة من الحقن

(يبقى من الصعب الاعتماد عليه وحده لمريض السكر لأنه مش هيشتغل الا بعد لما يدخل في غيبوبة..!!)

C-Mixtard

أكثر الأنواع شيوعا في الاستخدام هو عبارة عن خليط من :

actrapid 30%
Insulatard 70%

يعني أن 1ml من الميكستارد بيتكون 

 من 30 وحدة أكترابيد (تعطي مفعول وقتي)
  + 70 وحدة من إنسولاتارد (تعطي مفعول ممتد)




نستنتج من كدا إن إستخدام ال Mixtard  هو الأنسب لمعظم مرضى السكر من النوع الأول

لأنه ممكن يحتاج جرعة واحدة فقط مرة يوميا

وبالكتير ممكن يحتاج جرعتين قبل الفطار وقل العشاء

(طبعا الجرعة تحدد بواسطة الطبيب)

لازم نعرف برضو أن اختيار 30 وحدة من الانسولين المائي مع 70 وحدة من الأنسولين الممتد المفعول تحديدا كان نتيجة لاختبارات وتجارب كثيرة لعمل توليفة مناسبة مع معظم مرضى السكر

طيب لما الإنسولين الميكستارد حلو قوي كده..

ليه لسة النوعين التانيين متواجدين؟!!


أولا : لأننا في حاجة لاستخدام الإنسولين المائي في بعض الحالات الهامة عن طريق الوريد وأبرزها غيبوبة ارتفاع السكر

(الحالة التي لا يمكن فيها استخدام الميكستارد أو الإنسولاتارد كونهما في صورة معلق فلا يجوز اعطاءه وريديا)

ثانيا : قد لا تتوافق نسبة 70/30 في الميكستارد مع بعض الناس في ضبط نسبة السكر لديهم

حينها يتدخل الطبيب المتخصص لتغيير النسبة وذلك باستخدام خليط من:

الأكترابيد و الإنسولاتارد

أو الأكترابيد والميكستارد


فيمكن نصيحة المريض باستخدام 10 وحدات اضافية من الأكترابيد مع الميكستارد

أو خلط 40 وحدة من الأكترابيد مع 60 وحدة من الانسولاتارد

وهكذا

الى أن يتم التوافق بين الانسولين وطبيعة وجبة المريض ومستوى السكر في الدم



التحويل من Mixtard 100iu/ml الى Mixtard 40iu/ml والعكس


خلاص فهمنا يعني ايه ميكستارد؟!!

وعرفنا ان الميكستارد بيحتوي 100 وحدة انسولين في كل 1 مل

30 منهم انسولين مائي و70 منهم انسولين معلق


النوعية اللي اتكلمنا عليها دي من الميكستارد هي الأشهر وهية اللي موجودة في معظم دول العالم

وسعره عندنا 31 جنيه مصري فقط لا غير

لكن عندنا في مصر (وليس لدي معلومات ان وجدت في دول أخرى) نوع آخر من الميكستارد

اسمه ميكستارد  40iu/ml

وده سعره 6.30 قرش

وله مثائل انتاج مصري بسعر 6 جنيه

منها انسولين سيديكو 40 وحدة

انسولين فاكسيرا 40 وحدة

Hunil mix 40 وحدة

طيب الفرق ايه بين نوعي الميكستارد الغالي والرخيص؟

الفرق ان الملي الواحد في الرخيص بيحتوي على 40 وحدة فقط من خليط الأنسولين بدلا من 100 وحدة

ولكن تركيز الانسولين المائي والمعلق في ال40 وحدة لا زال 30/70


يا ريت تكون الفكرة وصلت..!!

لو وصلت نقدر نقول

ان لو كان المريض في حاجة لواحد مل من ميكستارد 100

اذن فهو في حاجة لاتنين ونصف سم من ميكستارد 40


لان قوة الميكستارد 100 مساوية مرتين ونصف لقوة ميكستارد 40

ولو كان في حاجة ل 0.4 من ميكستارد 100 اذن هو في حاجة ل1 مل من ميكستارد 40

دي طريقة تحويل حسابية

هل هناك طريقة أخرى؟


نعم


في الصيدلية عندنا نوعين مهمين من سرنجات الانسولين

أحدهما تسع 1 مل مقسمة الى 100 جزء

وهذه هي الواجب استخدامها في اي نوع انسولين تركيز 100 وحدة/مل

والأخرى تسع 1 مل مقسمة الى 40 جزء

وهذه هي الواجب استخدامها في الانسولين تركيز 40 وحدة /مل

يمكننا التحويل بين نوعيي الانسولين حينما نقوم ايضا بتحويل نوعية السرنجة

حينها سنلاحظ بسهولة أن :

40 جزء من الأنسولين تركيز 100/مل على السرنجة المقسمة ل100 جزء

=

40 جزء (1مل) من الأنسولين تركيز 40/مل على السرنجة المقسمة ل40 جزء

و

30 جزء من الأنسولين تركيز 100/مل على السرنجة المقسمة ل100 جزء

=

30 جزء من الأنسولين تركيز 40/مل على السرنجة المقسمة ل40 جزء

وهكذا

اذا كان فهم هذا الأمر عسير

يمكن التطبيق العملي

باحضار نوعيي الأنسولين

ونوعيي السرنجتين

والحساب والتطبيق المباشر لتصل المعلومة بسهولة

مع خالص الشكر د | خالد العيوطى