دخلك واحد الصيدليه وبيقولك إنه عضه كلب .. هنتصرف معاه ازاي ؟؟؟
- أولا : هنغسل مكان العضة بالماء والصابون لمدة 4 او 5 دقائق
- ثانيا : نضع اي مطهر على الجرح ويفضل ال H2O2 او الـ Betadine
- ثالثا : غسل اي mucous memberane زي الفم أو العين لو اتعرضوا لرزاز لعاب الكلب
مع كل الإحتياطات دي غالبا فيرس الـ rabies اللي بيسببه عضة الكلب بيكون مات لانه ضعيف
- رابعا : مش علشان عملت الاحتياطات دي مبعتهوش المستشفى ؟!
لا لازم يروح المستشفى فى البداية بيتم إعطاءه مصل ضد التيتانوس وبعد كدا بيأخد الـ vaccine المضاد للـ rabies virus اللي بيكون عبارة عن 5 حقن بتتاخد عضل في جدول زمني عند اليوم 0 و 3 و 7 و 14 و 28
- خامسا : لا يفضل وصف المضاد الحيوي لانه ملهوش أي لازمة في الحاله دي
الا في حالة بس لو الجرح عميق خوفا من تكون بكتيريا لكن مش هيقضي على الفيرس .
طيب لو المريض مأخدش الـ vaccine ايه الأعراض اللي هتظهر عليه ؟؟؟
- في الاول هتظهر أعراض شبه أعراض الانفلونزا العادية ،المشاكل بتبتدي لما يوصل الـ virus للـ CNS وده بيستغرق عده شهور بيحصل وقتها أعراض زي الهلوسة والتخريف .
- وبيحصل ما يسمى بالـ hydrophobia اللي هي الخوف من الماء وده نتيجة حدوث شلل في عضلات الزور والفك فالمريض بيعاني من صعوبة البلع وبيوصل لدرجة عدم القدرة على الكلام والخوف الشديد جدا حتى من لمس الماء .
- وأخيرا بيحصل وفاة بعد فترة بسبب حدوث شلل في عضلات القلب والتنفس علشان كدة منستهونش بموضوع عضة الكلب ابدا
Dr-Mohamed El Menshawy
