مجموعة منتجات بيوديرما للوقاية من الشمس ( Bioderma Photoderm ) للكبار والأطفال

ميعادنا اليوم مع تانى حلقة من حلقات مجموعة منتجات بيوديرما واللى هتكلم فيها بإذن الله عن برنامج الحماية من الشمس ، شركة بيوديرما بتقدم أكتر من 45 منتج للحماية من الشمس للكبار والصغار ولجميع أنواع البشرة، بالإضافة لبعض المنتجات لصبغ البشرة بلون أسمر ( Tanning ). 

فى البداية هتكلم بسرعة جداا عن  أنواع أشعة الشمس فوق البنفسجية ( Ultraviolet ) وخطورتها على البشرة: 

1. UV A : بتمثل 95 % من الأشعة فوق البنفسجية اللى بتوصل الأرض وتعتبر أخطر بكتير من UV B لإن قدرة أختراقها للجلد أعلى وبتظهر خطورتها على المدى البعيد فى صورة تجاعيد الجلد " Wrinkles " . 
2. UV B : بتمثل 5 % من الأشعة فوق البنفسجية ودى ليها طاقة أعلى من الـ UV A لكنها مش بتخترق الجلد ودى مسئولة عن حروق الشمس ( Sun Burn ) . 

 بسرعة برضه هقول ان ميكانزم عمل واقى الشمس بيكون واحد من ثلاثه إما يكون:

1. Physical : ودا فقط بيعكس أشعة الشمس ودا أكثرهم أمانا ويستخدم فى الأطفال والحوامل. 
2. Chemical : النوع دا بيمتص أشعة الشمس وبيمنع أختراقها للجلد ودا أغلب اللى موجود فى الصيدليات . 
3. Organic Particulate : دا بيشتغل بالطريقتين فى نفس الوقت. 

قبل ما ندخل فى منتجات بيوديرما لازم فى البداية نعرف ايه الطريقة الصح لإستخدام واقى الشمس. 

1. يستخدم واقى الشمس قبل التعرض للشمس بمدة من 15 - 30 دقيقة ويعاد إستخدامه كل ساعتين او ثلاثه دا للناس اللى فى المصايف أما الناس اللى بتخرج ساعتين وترجع مش لازم Reapplication . 

1. يعاد إستخدام واقى الشمس بعد غسل الوجه أو نزول البحر . 
2. مهم جداا لو حد فى المصيف لو مش هيستخدم واقى الشمس كل 3 ساعات الأفضل عدم إستخدامه من البدايه لأن الـ Free Radicals  اللى هتخرج من أول إستخدام أخطر.

 نتكلم بقى عن منتجات شركة بيوديرما للحماية من الشمس:

1- SPF 100 عبارة عن أربع منتجات :

1. Photoderm  Max 100 Creme مناسب للبشرة الجافة ويعطى حماية قصوى.
2. Photoderm  Max 100 Fluide  مناسب للبشرة الدهنية ويعطى حماية قصوى.
3. Photoderm  Max 100 Lait مناسب للجسم ويمكن إستخدامه على الوجه مفيش مشكلة.
4. Photoderm  Max 100 teintee  في منه درجتين على حسب لون البشرة ودا كريم لونه خمرى زى لون الجلد ممكن يستخدم ككريم أساس.

2- SPF +50  : منتجات كتير منها Creme  و Aquafluide و Spray لكن الأكثر إستخداما هم:

1. Photoderm Max SPF +50 Compact: متوفر بدرجتين لون ويستخدم ككريم أساس .
2. Photoderm Spot SPF +50: واقى شمس يستخدم بعد عمليات الليزر وإزالة الشعر علشان يمنع تكوين بقع بنيه ويعتبر أول واقى شمس يعمل على تفتيح البشرة .
3. Photoderm Mineral +50: دا Pure Physical للناس اللى عندهم حساسية من المواد الكيمائية اللى فى أوقية الشمس ، مشكلته انه بيكون طبقة جيرية على الجسم لأنه بيشتغل فقط عن طريق الـ Reflection .

 

3- SPF 30  دا سبراى لكنه مش مشهور وغير شائع الإستخدام.

4- SPF 15 دا سبراى أيضا وغير شائع الإستخدام.

5- Photoderm Kid : موجود منه SPF +50 و SPF 30 على هيئة Spray و Lait للجسم كله.

المنتجات دى لا تستخدم للأطفال أقل من 4 سنوات، موجود أيضا ABC Derm Solaire Cream من شركة بيوديرما برضه ممكن يستخدم من سن يوم.

فى منتجات تانية كتير لكن مش هدخل فى تفاصيلها حاليا، وحابب برضه أتكلم بسرعه عن الـ Tanning  وأنواعه وأيه بتقدمه شركة بيوديرما، الـ Tanning بيلجأ اليه الناس اللى بشرتها فاتحه جداا علشان البشرة تسمر وتتصبغ لون أسمر وفى منه نوعين إما Sun Tan أو Self Tan.

Sun Tan  الشخص بيدهن الكريم أو الزيت وبعدها بتعرض للشمس مباشرة او عن طريق كبسولات " Tan Peads " الكريمات دى بتركز أشعة الشمس على البشرة وبيزيد إنتاج الميلانين.

Self Tan بدون التعرض للشمس وبيستمر مفعوله لمده 5 أيام فقط وبيرجع بعدها لون البشرة الطبيعى.

شركة بيوديرما بتقدم Photoderm Bronz دا فى الأساس واقى شمس لكن مع تكرار الإستخدام والتعرض للشمس لون البشرة هيبقى أغمق ولكن دا بيأخد فترة أطول.

كمان بتقدم منتج بيشتغل بالطريقة التانية " Self Tan "  بدون الحاجة للتعرض للشمس وهو Photoderm Autobronzant بيستخدم فى البداية مرة واحدة لمدة 3 أيام وبعد كدا مرة واحدة كل يومين ولو الشخص عايز يحافظ على درجة لون البشرة بيستخدمه بعد كدا مرة كل أسبوع . 

كدا يبقى خلصنا كلام عن موضوع الـ Tanning باقى نقطة أخيرة هى منتج بيوديرما بعد التعرض للشمس اللى هو Photoderm Apres-soleil دا مرطب كويس بيستخدم بعض التعرض للشمس وعلاج حروق الشمس وكمان بيستخدم لو عايز أزود فترة الـ Tanning . 

كدا يبقى خلصنا برنامج الوقاية من الشمس وبإذن الله الموضوع القادم هيكون عن برنامج تفتيح البشرة.