منتجات تفتيح البشرة من شركة بيوديرما Bioderma White Objective

موضوعنا اليوم رقم ( 3 ) سهل وبسيط  ان شاء الله، كنا تكلمنا فى الموضوع الأول عن برنامج العناية بالبشرة الدهنية وكيفية علاج حب الشباب تقدرو تشوفوه من هنا ، والموضوع التانى كنا إتكلمنا فيه عن برنامج الحماية من الشمس وأنواع واقى الشمس وازاى نختار النوع المناسب لكل حالة وتقدرو تشوفوه من هنا ، أما موضوع اليوم بإذن الله هيكون عن برنامج تفتيح البشرة.

فى مقدمة سريعة لازم أقولها علشان نفهم الكلام اللى جأى بعد كدا، كلنا عارفين إن سبب إسمرار البشرة هو زيادة تصنيع الميلانين، الـ Hyperpigmentation بيتم على 4 خطوات ومنتجات التفتيح حاليا بتشتغل على إزاى توقف الخطوات دى، فى منتجات بتشتغل على بعض الخطوات وفى منتجات تانية بتشتغل على الأربع خطوات، تعالو فى البداية نعرف أيه هى الخطوات دى علشان نفهم المنتجات دى بتشتغل إزاى ؟؟ 

1. أول خطوة هى الـ Induction أو التحفيز ودا بيتم عن طريق أشعة الشمس وعلشان نوقف الخطوة دى نستخدم واقى شمس " Sun Screen " أو Sun Block.
2. تانى خطوة هى إنتاج الميلانين " Melanin Synthesis " عن طريق تحويل الـ Tyrosine فى وجود الـ Tryosinase Enzyme وبنشتغل على الخطوة دى عن طريق إننا نوقف عمل الإنزيم دا.
3. تالت خطوة هى نقل وتوزيع الميلانين " Melanin Transfer ".
4. رابع خطوة هى خطوة الـ Installation ودى تركيز الميلانين فى خلايا الـ Epidermis ودى بنستخدم فيها مقشر Keratolytic. 

ندخل بقى فى منتجات بيوديرما واللى بتتقسم على 3 مراحل، مرحلة الغسول Cleanser  ومرحلة العلاج Treatment وأخيراً مرحلة الـ Maintenance.


زى ما قلنا قبل كدا ان فائدة الغسول هى تنضيف البشرة من أى أوساخ بالإضافة لتهيئة البشرة لأى منتج هستخدمه، بيوديرما بتقدم منتجين ممكن نستخدم كغسول تفتيح: 

1. White Objective H2O : غسول تفتيح ومزيل مكياج لجميع أنواع البشرة وللبشرة الحساسة وبيساعد البشرة على إستقبال برنامج التفتيح، بيستخدم مرتين يوميا عن طريق قطنة.

1. White Objective Moussant : نفس الخصائص ولكن يتم شطفه بالماء ولا يستخدم للبشرة الحساسة وممكن يستخدم كماسك للوجة مرة أو مرتين أسبوعيا عن طريق وضع طبقة سميكة على الوجة وتترك لمدة 5 دقائق ثم شطفها.

تانى مرحلة هى الـ Treatment وعندنا 3 منتجات: 

1. White Objective Cream : كريم النهارينفع لكل أنواع البشرة منها الأماكن الحساسة، بيشتغل على 3 خطوات من اللى قلنا عليها، بيحتوى على واقى شمس SPF 27 وكمان بيحتوى على فيتامين C  مضاد أكسدة وبيقلل إنتاج الميلانين وأيضا يحتوى على Glabridin و Azelaic Acid  ودول بيقللو تصنيع الميلانين عن طريق تثبيط عمل إنزيم الـ Tryosinase، بالإضافة لإحتواءه على Vitamin PP  اللى بيمنع نقل وتوزيع الميلانين.

1. White Objective Fluide : سائل يستخدم بالنهار مخصص للبشرة الدهنية، نفس مكونات الكريم مع إختلاف فقط نسبة الحماية هنا SPF 25.

1. White Objective Serum : سيروم ليلى يختلف عن كريم وسائل النهار إنه لا يحتوى على واقى شمس ولكن يحتوى على حمض الجليكوليك 12 % يعمل على تقشير البشرة، يختلف السيروم أيضا عنهم إن الفيتامين C  بيكون Fresh  فى أمبول منفصل ويجب خلط الأمبول مع محتويات السيروم قبل الإستعمال. 

ثالث مرحلة هى مرحلة العناية الموضعية واللى فيها 2 منتج: 

1. White Objective Pen : قلم يستخدم لتفتيح بقع الوجة والرقبة ويمكن إستخدامه لتفتيح الأماكن الحساسة، يحتوى على واقى شمس SPF 19 ، ويحتوى على مقشر حمض الجليكوليك 6 % ، بيستخدم مرتين او 3 مرات فى اليوم .

1. White Objective Mains : كريم لتقتيح بقع اليدين، يحتوى على واقى شمس SPF 19  ومقشر حمض الجليكوليك، يستخدم مرتين أو 3 مرات يومياً.

يفضل إستخدام واقى شمس بالإضافة للمنتجات دى، وتم شرح الموضوع بالتفصيل، شوفوه من هنا.